Slieptips

In goede nachtrêst is fan grut belang foar ús wolwêzen. Yn de sliep herstelle lichem en geast fan de mentale en fysike ynspanningen dy’t oerdei plak fûn ha. Uteraard spilet de kar fan it krekte bêd en it kreëarjen fan in oangenaam bêdklimaat in wichtige rol yn de kwaliteit fan it sliepen. Wy jouwe jo graach in stik as wat tips dy’t bijdrage kinne oan in goede nachtrêst en de krekte kar fan it bêd.

1. Ried jo ta foar’t jo sliepen geane.
Yt net dreech, en brûk gjin of allinne ien opwekkende konsumpsje. Besykje te ûntspannen foar’t jo sliepen gean. Nim ôfstân fan de deistige beslommeringen en mij swiere fysike ynspanning. Yoga en oefeningen foar it sykheljen kinne soms helpe.

2.Soargje foar in noflik bêdklimaat
Luchtsje jo bêd en matras alle dagen troch de lekkens of it dekbêd iepen te lizzen nei’t jo fan’t bêd geane. Kies foar in goed fentilearjende bêdboaiem, sa dat jo matras ek goed fentilearje kin as jo sliepe. Tink ek om de sliepkeamertemperatuer: 18 graden wurdt meastal as optimaal ûnderfûn.

3.Folgje jo eigen ritme
It ferlet fan sliep is net foar elkenien itselde. Wol is men fan ien ding wis: it is better om koart en goed te sliepen ynstee fan lang en net sa bêst. Harje dus nei jo biologyske klok.

4.Kies in goed sliepsysteem
In goed sliepsysteem soarget foar in lykmjittige ûndersteuning fan jo lichem, sa dat jo rêchbonke rjocht leit en jo spieren harren goed ûntspanne kinne. Komfort sônes yn de matras ( op de hichte fan skouders en heupen) binne hjir by behelpsum. In goede bêdboaiem is duorsum en jout genôch oanpassingsfermogen en fentilaasje. Matras en boaiem bepale tegearre fierhinne it komfort.

5. Jou dúdlik jo foarkar oan
De kar foar in sliepsysteem hinget gear mei in tal persoanlike faktoaren sa as lingte, gewicht en leeftyd. Mar ek hoe bot jo transpirearje kin in rol spylje. Dêrnjonken is jo eigen foarkar fan belang. Bepraat om dy reden jo foarkar en winsken, sa dat de ferkeaper jo mei in ôfstimd advys helpe kin. En net te ferjitten: nim de tiid om te proeflizzen yn de winkel.

6.Jou josels de romte.
Hoe grutter it bêd, nammerste better sliepe jo. In noflike breedtemaat foar in 1-persoans bêd is 90 sm. Foar in 2-persoans bêd is dit minimaal 160 sm. It bêd moat by foarkar 20 sm langer wêze dan jo eigen lichemslingte. Tink ek om de hichte fan it bêd: yn in heger bêd kinne jo makliker yn en útstappe.
 
7. In ferstelbere boaiem jout ekstra komfort.
In bêd is mear as allinne in plak om te sliepen. Televyzje sjen, lêze, moarnsite of even útrêste. In elektrysk ferstelber bêd bringt jo mei in druk op’ e knop nei de sit of releks stân dy’t jo winskje. Ek as jo sliepe kin in ferstelbere boaiem noflik wêze. De bloedsirkulaasje yn de fuotten kin befoardere wurde as jo it fuottenein in bytsje omheech sette..

Wolterêsten!